Arrancamos con Outono Gastronómico

   Esta pasada noite arrancamos con Outono Gastronómico 2012, unha iniciativa na que participa Casa de Trillo desde que, moi intelixentemente, Turgalicia a puxo en marcha.
   Os nosos primeiros comensais, de Narón e encantadores, elixiron nesta oocasión o Menú 2. Degustaron, de entrada, Espetada castrexa con froitos da Costa da Morte; de primeiro prato, Tella de percebes de Touriñán; de segundo, Cazolada celta de polbo con chícharos e arroz, e de postre, Trisquel de castañas. Todo regado cun tinto de Valdeorras, e oruxos varios, claro.
   Os que opten polo Menú 1 poderán saborear Petiscos do frade con roxóns e queixos, Filloas monacais recheas de mexillóns e nabizas con prebe de marisco, Ola de porco celta á augardente de herbas con patacas do Foro de Santa Mariña, e de postre, Tentación de flan de hovo e outros doces do casal.
   Que aproveite!!!

                                         Espetada castrexa con froitos da Costa da Morte

                                          Tella de percebes de Cabo Touriñán

                                          Filloas monacais recheas de mexillóns e nabizas con prebe de marisco

                                          Cazolada celta de polvo con chícharos e arroz

                                          Trisquel doce de castañas

                                         Os noso primeiros comensais do Outono, de Narón e encantadores