Rosa Rey Vilela, Juan José Diz Martinez, Juana Castro Sambad, Miguel Angel Diz Castiñeira, Josefa Manuela Marcote Santos e José María Lema Martínez.
O Premio María Amelia ten por obxecto premiar a “aquela persoa ou grupo que co seu traballo, obra, vida, etc...promocione ou enriqueza material ou inmaterialmente a vila e Concello de Muxía, en calquera dos ámbitos posibles: a cultura, a historia, o patrimonio, a etnografía, a arte, literatura, patrimonio inmaterial, defensa e promoción da cultura do mar, defensa e promoción da cultura da terra, etc…”No caso dos secadoiros de congro é evidente que estos constitúen un elemento importantísimo do patrimonio muxián, sendo ademáis un elemento distintivo da nosa cultura mariñeira e sendo en Muxía o único lugar onde se conserva esta técnica artesanal. Por elo as persoas que mantiveron esta tradición ao longo dos anos son merecedoras dun recoñecemento que o premio personificará nas persoas que na actualidade son propietarias dos secadoiros que aínda funcionan e as persoas que traballan nos mesmos.
O premio quere ser unha homenaxe aos secadoiros e á figura emblemática das cabrias como elemento arquitectónico e etnográfico único no noso municipio, á conservación do sentido dun vocabulario propio dun oficio co conseguinte enriquecemento da nosa lingua, ao traballo artesanal feito con coidado e dedicación, pero sobre todo é unha homenaxe aos centos de persoas que traballaron nelas ao longo dos séculos, ás moitas mulleres que fixeron un traballo duro e importantísimo para a economia das familias, unha homenaxe ao respecto mostrado por estas persoas pola tradición e a cultura do mar e sobre todo, unha homenaxe ás persoas que na actualidade , nuns tempos de cultura globalizada e con escaso respecto polos valores e elementos distintivos de cada cultura, seguen a traballar e manter unha tradición tan nosa , a pesares dos tempos difíciles.
